СИЗГА НИМА ФОЙДА

Ғийбатим қилишга тайёр турасиз,
Ҳабардор доимо туз, ошларимдан,
Мен кулсам сиз нима зарар кўрасиз,
Сизга нима фойда кўз ёшларимдан.
Бу дунё бевафо, буни англадим,
Гоҳида аччиқ дард, алам тингладим,
Йиғласам мен ўзим учун йиғладим,
Сизга нима фойда кўз ёшларимдан.
Ғаразли мақсадда билмайсиз чарчоқ,
Ичингиз қоп -қора, сиртингиз оппоқ,
Йўлимда чоҳ қазинг, ортимдан пичоқ,
Сизга нима фойда кўз ёш ёшларимдан.
Сизга нима аҳир йиғласам кулсам,
Баҳордек яшнасам , очилсам, сўлсам,
Тобингиз қочмасин жилмайиб турсам,
Сизга нима фойда кўз ёшларимдан.
Ҳатлаб олибманми уй жойингизни ,
Отмоққа шайсизу ўқ, ёйингизни,
Ёки хом ўрдимми буғдойингизни,
Сизга нима фойда кўз ёшларимдан.
Ўткинчи дунё бу ўткинчи ҳаёт,
Беш кунлик умрда душманлик ҳайҳот,
Эй мени ёв билган ғатдор одамзод,
Сизга нима фойда кўз ёшларимдан.
Ҳаётда не бўлса борин кўраман,
Гулми у тиконми бирдек тераман,
Ўйингга тушинг бир йиғлаб бераман ,
Сизга нима фойда кўз ёшларимдан.