ХЪФИМИР

Гьикьванни мили тир акъатзавай гад,
Гуьгьуьлар - ракъарив ийиз авай шад.
Яралай эхъуьриз нурарин гьуьле,
Кинариз амазмай дидед хьиз гьеле.
Марфарни къвазавай, т|урфанар галай,
Саки чиг нек|едлай бугъ алахьзамай.
Чан гъидай ст|алрив дегишриз навар,
Разиз амукьзавай и чилер, цавар.
Зул атун вилив хуьз гьазур жезвай гад,
Теспачавилелди агудиз кьил-пад.
Арада чуьнуьхиз къекъифзавай чин,
Тавра гьазурзавай тадидиз вичин.
... Куьз ят|ан зи рик|и, гад акъатинвай,
На лугьун, лугьузвай зул агатинвай:-
Энгел хьухь, хъфимир, це мадни чимер,
Къати т|ул квай зулу гузва заз кич|ер...
Теране Керимова Оруджева