Тоҷикистон хостори оташбас ва қатъи кушторҳо дар Ғазза шуд

Вазири хориҷаи Тоҷикистон чун гузашта афзуд, ки ҳалли ниҳоии бӯҳрони Фаластин дар ташкили давлати мустақили Фаластин бо пойтахти он Байтулмуқаддас аст.
Ба гузориши манюаъ:
Шарқи Наздик ба механизми амнияти дастаҷамъии минтақавӣ ниёз дорад.
Дар ин бора вазири корҳои хориҷии Тоҷикистон Сироҷиддин Муҳриддин дар Анҷумани муколамаи Теҳрон изҳор дошт.
Ба таъкиди вазир мо шоҳиди таҳаввулоти бесобиқа дар арсаи байналмилалӣ ҳастем. Тамоюлҳои босуръат ва мушкилоти амиқи таъмини сулҳу субот дар манотиқи мухталифи ҷаҳон ҷомеаи ҷаҳониро водор мекунад, ки бо такя ба иродаи қавӣ тавассути пажӯҳиш ва муколамаи созанда ба ин масъалаҳо таваҷҷуҳи бештар зоҳир кунад.
Вазир гуфт, ки пешгӯии тамоюлҳо ва муносибатҳои байналмилалӣ, идора кардани низоъҳо ва муколамаҳои глобалӣ торафт душвортар мегардад.
Ба унвони мисол ӯ Шарқи Наздик, аз ҷумла масъалаи Фаластинро зикр кард, ки яке аз муҳимтарин масоили имрӯза боқӣ мемонад.
Ӯ гуфт, фазъи фалокатбори мардумони он ҷомеаи ҷаҳониро сахт нигарон карда, Навори Ғазза ба як минтақаи пур аз мотам ва харобиҳо табдил ёфтааст. https://tajikpress.com/2025/05/19/%d1%82%d0%be%d2%b7%d0%b8%d0%ba%d0%b8%d1%81%d1%82%d0%be%d0%bd-%d1%85%d0%be%d1%81%d1%82%d0%be%d1%80%d0%b8-%d0%be%d1%82%d0%b0%d1%88%d0%b1%d0%b0%d1%81-%d0%b2%d0%b0-%d2%9b%d0%b0%d1%82%d1%8a%d0%b8-%d0%ba/